BUMAGSAK sa ospital ang isang lolo nang atakihin ito sa puso matapos magbitbit ng babae sa loob isang motel sa Iloilo kaninang madaling araw (Mayo 4).
Inoobserbahan sa St. Paul Hospital sanhi ng pagtaas ng presyon ng dugo ang biktimang si John Viseno, 52-anyos, residente ng Mandurrioa, Iloilo City.
Bagama’t ang nagsugod kay Viseno sa SPH ay ang mismong babaeng inupahan nito ng panandaliang aliw, bigla rin naglahong parang bula at inabandona ang kanyang kliyente sa ere.
Sa ulat, naganap ang insidente dakong 12:45 ng madaling araw sa loob ng isang kuwarto ng Katrina Lodge sa Lapaz, Iloilo City.
Bago ito, pumasok ang biktima sa nasabing lodge bitbit ang isang bata, seksi at magandang babae na nagbebenta ng panandaliang aliw.
Pero makalipas lamang ang halos kalahating oras, lumabas ng kuwarto ang naturang babae para humingi ng tulong dahil ang lalaking kasama niya ay nanikip ang dibdib.