TODAS ang 79-anyos na lola makaraang masunog ang kanyang tahanan sa Brgy. Cubacub, Mandaue City, Cebu, Miyerkules ng madaling-araw.
Nabatid na na-trap sa loob ng nasunog na bahay ang biktimang si Maria Pino.
Mag-isa lang na nakatira sa naturang bahay si Maria na sinasabing lango sa alak habang nagluluto nang magsimula ang sunog.
Hinala ng awtoridad, may posibilidad na nagsimula ang sunog sa gaserang ginamit ng biktima.
Nasa P10,000 halaga ng ari-arian ang napinsala ng naturang sunog.
The post 79-anyos lola tusta sa sunog sa Cebu appeared first on Remate.