TODAS ang tatlong sakay ng isang motorsiklo makaraang sumalpok sa isang trailer truck sa Brgy. Tagapo, Sta. Rosa City, Laguna, kagabi.
Dead on the spot ang mag-live in partner na angkas ng motorsiklo na sina Shang Hai Fan at Desiree Macaoili, kapwa ng General Trias, Cavite at nasawi habang ginagamot sa Sta. Rosa Community Hospital ang drayber ng motorsiklo na si Napoleon Benoto.
Nabatid na bandang alas-10:30, Huwebes nang maganap ang aksidente kung saan patungo sana sa direksyon ng Cabuyao ang motorsiklo nang makabanggaan ang kasalubong na trailer truck.
Tumilapon ang mga biktima na humampas pa sa unahang bahagi ng trak.
Tumakas ang drayber ng trak matapos ang aksidente.
The post Motorsiklo vs truck: 3 todas appeared first on Remate.