IPINAGPALIBAN ng Quezon City court ang pagdinig sa kasong extortion sa tatlong pulis matapos kotongan ang isang sales agent dahil sa kasong droga at alarm and scandal nitong nakalipas na buwan.
Ayon sa Quezon City Regional Trial Court Branch 81 Judge Madonna Echiverri ipinagpaliban ang pagdinig sa mga akusadong sina Police Officers 1 Ryan Parungo, Ronnel Biag at Dennis Maagda nitong Hulyo 16, 2013.
Ayon sa korte inilipat ang pagdinig dahil ang public prosecutor ay dadalo ng seminar ngayong araw.
Nabatid sa ulat na ang mga pulis ay kinasuhan ng robbery-extortion habang ang kanilang kasamang sibilyan na si John Domenic Laudio ay kinasuhan ng robbery and usurpation of authorithy dahil sa pagpapanggap na pulis.
Sinabi sa ulat na si Laudio at ang tatlong pulis ay inaresto nitong nakalipas na Hunyo 13, dahil sa reklamo ng 29-taong gulang na sales agent mula sa Cavite na nagsabi na pinilit siyang kotongan ng mga suspek ng pera.
Nauna rito dinakip ng mga pulis ang complainant nitong nakalipas na Hunyo 12, 2013 habang nasa fast food outlet kasama ang isang lalaki na nag-alok ng panandaliang aliw.
The post Pagdinig sa kasong extortion sa 3 pulis ipinagpaliban appeared first on Remate.