WALANG permit ang halos 163 billboards sa Quezon City para magtayo sa pamahalaang lungsod ng Quezon.
Ito ang kinumpirma ni Engr. Gani Versoza, building official ng Quezon City matapos mabatid na halos lahat ng billboard sa lungsod ay walang kaukulang permit mula sa pamahalaang lungsod partikular sa City Engineering office.
Ayon kay Versoza, 44 nakatayong billboard sa lungsod ay high risk o mapanganib sa sandaling magkaroon ng biglaang bagyo dahil sa maling istraktura na pagkakatayo nito o mapanganib ang pagkakatayo.
Sinabi pa ng QC building official na batay sa kanilang isinagawang inspection sa mga naturang billboard lumabag din ang billboard sa itinatadhana ng safety measure ng mga naturang billboard dahil sablay ang pagkakatayo o delikado ang mga naturang istraktura.
Idinagdag pa ni Versoza sa kasalukuyan pinapayagan lamang ng QC building office ang sistema ng paglalagay ng billboards sa wall standing dahil ito rin ang pinapayagan ng batas at lungsod.
“Kung susundin talaga ang batas halos lahat ng billboards na nakatayo sa pamahalaang lungsod ay bagsak sa safety standard at hindi pumasa,” ani pa ni Versoza.
Nauna rito, sinabi ni Versoza 39 gusali sa lungsod ay lagpak sa fire at building safety ng lungsod at inirekomenda nila na ipasara ng Quezon City government ang mga naturang gusali.
Kabilang dito ang ilang dormitoryo sa paligid ng kolehiyo at paaralan sa lungsod na hindi sumusunod sa fire safety at building regulation ng lungsod.
Kabilang sa paglabag ng mga naturang gusali ay walang building permit, fire safety inspection certificate, fire permit at business permit.
The post 163 billboard sa QC walang permit appeared first on Remate.