TUMILAPON sa ere ang isang lalaki nang suwagin ng isang rumaragasang kotse habang nagte-text sa gilid ng kalsada sa Sultan Kudarat kaninang madaling araw.
Dead on arrival sa ospital sanhi ng tinamong kapansanan sa ulo at pagkalasog ng buto sa katawan ang biktimang si Dindong Sugaste, 27-anyos at residente ng Lambayong, Sultan Kudarat.
Imbes naman hintuan at isinugod sa ospital ang kanyang nasagasaan ay pinaharurot ng hindi nakikilalang suspek ang kanyang topdown na kotse na hindi nakuha ang plaka.
Sa ulat, naganap ang insidente sa isang bisinidad sa Purok 14 Diversion Road, sa Barangay Katangawan.
Bago ito, nagmula sa isang kasiyahan ang biktima at kumalas lamang sa pakikipagimuman sa kanyang mga kaibigan nang biglang may tumawag sa kanyang cellphone.
Dahil naputol ang linya, sinagot na lang nito sa text ang kanyang kausap habang gegewang-gewang na naglalakad sa kalsada.
Pagdating sa lugar, biglang sumulpot ang isang kotseng top down at sinuwag ang hindi napansin na biktima at masagasaan ito.
The post Lalaki sinuwag ng kotse habang nagti-text sa kalsada, tigbak appeared first on Remate.