TODAS ang isang empleyado ng Caloocan City Hall matapos pagbabarilin ng hindi pa kilalang suspek habang ang una ay nagte-text sa veranda ng kanilang bahay, Martes ng umaga, Agosto 20.
Dead on arrival sa Jose Reyes Memorial Medical Center sanhi ng mga tama ng bala sa katawan si Antonio Larson, 49, anti-hawker ng Caloocan City Hall at residente ng Phase 3, Bagong Silang, nasabing lungsod.
Sa ulat, alas-9:30 ng umaga, busy sa pagte-text ang biktima sa kanilang veranda nang sumulpot ang suspek at pagbabarilin si Larson.
Matapos ang insidente ay tumakas ang suspek at sumakay sa naka-motor na kasama habang dinala naman ang biktima sa JRMMC.
Inaalam na ng mga pulis kung may kaugnayan sa trabaho ng biktima ang motibo sa krimen.
The post Empleyado ng Caloocan City Hall itinumba appeared first on Remate.