KALABOSO ang dalawang lalaki na suspek sa tangkang pagpatay sa lending collector sa Caloocan City, Biyernes ng hapon, Agosto 30.
Nakilala ang mga suspek na sina Ricky Sta. Ana, 33 at Romnick Ramos, 21 kapwa ng La Loma, Camarin ng lungsod.
Sa ulat, dakong 2:30 ng hapon, nangongolekta ng mga pautang si Ricky Faicis, 41, collector ng Orange Grove Lending Inventor sa lugar nang lapitan ng mga suspek at pagtulungan bugbugin.
Nagbunot pa ng patalim ang mga suspek at nang sasaksakin ang biktima ay nakatakbo at nakahingi ng tulong sa mga pulis at mga tanod.
Hindi na nakatakas ang mga suspek nang damputin ng mga pulis at tanod bago dinala sa presinto kasama ang mga dalang patalim.
The post 2 lalaki kulong sa tangkang pagpatay appeared first on Remate.