NAGKALASOG-LASOG ang katawan ng isang lalaking rider nang mahagip ng rumaragasang pampasaherong bus ang kanyang motorsiklo sa Quezon, kaninang madaling-araw.
Dead on the spot sanhi ng kapansanan sa ulo at katawan ang hindi pa nakikilalang motorcycle rider.
Nahaharap naman sa kasong reckless imprudence resulting to homicide ang bus driver na hindi nakuha ang pangalan.
Sa ulat, naganap ang insidente alas-2 ng madaling-araw sa national highway ng Barangay Tagkawayan sa Quezon province.
Bago ito, patungong Bicol mula sa Metro Manila ang naturang pampasaherong bus nang pagsapit sa lugar ay nahagip ang nasabing motorcycle rider na tumilapon sa ere ng ilang metro at bumagsak sa kongretong kalsada.
Nakaladkad naman ang motorsiklo ng may 100 metro bago ito umapoy at masunog din ang naturang bus.
Wala namang inulat na nasaktan sa mga pasahero dahil agad din silang pinababa ng bus na kanilang sinasakyan.
The post Rider sinuwag ng bus, tigbak appeared first on Remate.