PATAY na nang idating sa pagamutan ang isang lalaki matapos barilin ng hindi nakilalang suspek sa Pasuquin, Ilocos Norte.
Kinilala ang biktima na si Artemio Bulosan Sr., ama ng isang pulis sa PNP Pasuquin na si PO3 Bolusan, ng Brgy. Nagsanga, nasabing bayan.
Nangyari ang insidente habang nakasakay ang biktima sa kanyang motorsiklo patungong public market para bumili ng kanilang kakailanganin nang barilin na lamang ng isang armadong lalaki.
Ayon sa mga testigo, nakatakbo pa ang biktima at nagtago sa isang bahagi ng public market bago naisugod sa Gov Roque Ablan Sr Memorial Hospital ngunit binawian ng buhay dahil sa maraming tama ng bala sa katawan.
Inihayag ni P/Insp Rodel Caslio, deputy chief of police ng PNP Pasuquin, nakakuha ang SOCO ng anim na empty shells ng kalibre .45 sa pinangyarihan ng krimen.
Patuloy pa ang isinasagawang imbestigasyon ng pulisya upang matukoy ang motibo sa insidente at madakip ang suspek.
The post Ama ng pulis, tepok sa pamamaril appeared first on Remate.