LIMANG holdaper ang nag-shopping sa isang pampasaherong bus matapos holdapin ang mga pasahero nito sa kahabaan ng Edsa, Quezon City kaninang madaling-araw Disyembre 1,2013.
Ayon sa ulat ng Quezon City Police District Station 2 Masambong, hinoldap ng mga suspek ang isang CHER bus (TYW-957) sa kahabaan ng EDSA malapit sa Quezon Avenue sa harap ng Philippine Womens University (PWU) dakong 2:00 ng madaling-araw.
Sinabi sa ulat na habang binabaybay ng naturang bus ang kahabaan ng EDSA nagdeklara ng holdap ang mga suspek saka nilimas ang mga gamit, cellphone, alahas at pera ng mga pasahero.
Tinutukan din ng baril at patalim ang driver ng bus na si Renel Magana at makalipas ang ilang minutong holdap agad din bumaba ang mga suspek matapos matangay ang mga gamit ng pasahero.
The post 5 holdaper nag-shopping sa bus sa QC appeared first on Remate.