KALABOSO ang isang lalaki matapos mahulihan ng baril habang nakatambay sa Caloocan City, Linggo ng madaling- araw.
Nahaharap sa kasong illegal possession of firearm si Francisco Dimaano, 30, ng Aguilar St., nasabing lungsod.
Sa ulat, alas-2 ng madaling-araw nang masabat ng mga nagpapatrulyang mga pulis ang salarin na nakatambay sa Milagrosa St., ng lungsod.
Tinangka pang iwasan ng suspek ang mga pulis na maagap na nakalapit sa suspek at nang kapkapan ay nakuhanan siya ng kalibre .38 baril at mga bala.
Nang walang maipakitang kaukulang papeles sa dalang baril ay agad na dinala sa presinto at sinampahan ng nasabing kaso kung saan inaalam pa kung sangkot sa iligal na gawain ang suspek.
The post Lalaki kulong sa boga sa Caloocan appeared first on Remate.