KRITIKAL ang isang lalaki nang saksakin ng kanyang bayaw matapos magtalo nang maling charger ng cellphone ang naisauli ng huli na hiniram sa una, Martes ng gabi sa Brgy. Malabon City.
Ginagamot na sa Manila Central University (MCU) Hospital si Alexander Ramirez, 45, ng 103 Atis Road Brgy. Potrero, nasabing lungsod sanhi ng saksak sa kaliwang bahagi ng katawan.
Sa isinagawang follow up operation ng pulisya, naaresto ang suspek na si Reynaldo Tejada, 27, kapitbahay lang ng biktima.
Dakong alas-10 kagabi nang maganap ang insidente sa loob ng bahay ng biktima.
Nauna rito nanghiram ng charger ang suspek sa biktima ngunit matapos nitong gamitin ay iba ang isinauli nito dahilan upang magkaroon ng mainitang pagtatalo ang dalawa.
Napikon ang suspek kaya umuwi ng bahay at makalipas ang ilang sandali ay bumalik na lasing saka pinagbabato ang bahay ng biktima.
Hindi pa nakuntento ay pinasok nito sa loob si Ramirez at sinaksak.
The post Nagsauli ng maling charger, kelot tinarakan ng bayaw appeared first on Remate.