AGAW-BUHAY sa pagamutan ang isang retiradong titser nang pagbabarilin ng tatlong bagets na holdaper sa Basilan kaninang umaga, Disyembre 12.
Nagtamo ng tama ng bala sa iba’t ibang parte ng katawan at inoobserbahan sa isang ospital sa Zamboanga City ang biktimang si Reynaldo Jalao ng Isabela City, Basilan.
Hinahanting na ngayon ng Isabela PNP para panagutin sa krimen ang hindi pa nakikilalang tatlong holdaper na inilarawang nasa 17 hanggang 19-anyos, 5’3, nakasuot ng t-shirt, maong pants at baseball caps.
Sa ulat, naganap ang insidente alas 8:45 ng umaga sa loob mismo ng tindahan ng biktima.
Ayon sa nakasaksi, bago ang insidente ay nakita nilang umaaligid ang may tatlong kalalakihan sa tindahan ng biktima.
Sa akalang may bibilhin lamang, bumalik na sila sa kanilang bahay-gawain pero maya-maya lang ay binulaga ng sunod-sunod na putok.
Pagnanakaw ang isa sa nasisilip na motibo ng pulisya sa pamamaril sa biktima na maaaring pumalag sa mga batang holdaper.
The post Ret. titser kumasa sa holdap, binoga ng 3 bagets appeared first on Remate.