KALABOSO ang isang lalaki matapos hindi magbayad ng chit, magwala at manampal pa ng waitress sa isang bar sa Caloocan City, Linggo ng madaling-araw, Disyembre 22.
Nahaharap sa mga kasong estafa, alarm and scandal at physical injury si Rubano Fausto, 37, ng Visayas Avenue, Quezon City.
Sa ulat, nag-inom sa Zone 88 sa ground floor ng North Mall sa Rizal Avenue Extension ang suspek at pagsapit ng ala-1:45 ng madaling-araw ay hiningi ang chit.
Umabot sa P4,000 ang nakunsumo ang suspek na tumangging bayaran hanggang sa magwala na naging dahilan upang tumawag ng mga barangay tanod at ipadakip ang suspek.
Sa loob ng barangay hall ay sinampal ng suspek ang waitress na si Maritess Cawayan at nang makita ng mga tanod ay inilipat sa presinto si Fausto bago sinampahan ng mga nasabing kaso.
The post Nanampal ng waitress kalaboso appeared first on Remate.