PATAY ang isang lalaki matapos tumalon sa ika-limang palapag na gusali ng St. Lukes Medical Center sa E. Rodriguez Avenue, Quezon City kaninang tanghali, Enero 8, 2014.
Ayon kay PO2 Lucy Paradero ng Quezon City Police District Station 11 Galas, galing ng probinsya si Jose Burdeos, 31, at pinapa-check up lamang sa St. Lukes Medical Center dahil sa karamdaman nito sa pag-iisip nang biglang tumalon dakong 12:10 ng tanghali.
Sinabi sa ulat na kasama ng biktima ang kanyang kapatid na kumuha sa kanya sa probinsya ng Masbate nang maganap ang insidente.
Nabatid na sinubukan pang iligtas ang biktima pero binawian din ng buhay makaraan ang ilang sandali.
Sinisiyasat pa ng mga awtoridad ang naturang kaso.
The post Lalaki tumalon sa 5/flr ng St. Lukes Medical Center, tigok appeared first on Remate.