PATAY ang isang mag-asawa matapos pasukin at pagbabarilin ng isang miyembro ng Sawako Gang sa Caloocan City, Sabado ng gabi, Enero 25.
Dead on arrival sa Manila Central University Hospital sanhi ng mga tama ng bala sa katawan si Efren Villanueva, 40, at namatay naman habang ginagamot sanhi ng mga tama ng bala sa katawan si Josephine, 44 kapwa ng Mariano Ponce St., Bagong Barrio, nasabing lungsod.
Pinaghahanap naman ng mga pulis ang gunman na nakilala lang sa alyas “Bonjhong” at anim na hindi pa kilalang mga kasama na mga miyembro ng Sawako Gang.
Sa ulat, alas-8 kagabi, nasa loob ng kanilang bahay ang mga biktima nang dumating ang mga suspek sakay ng tatlong motorsiklo na hindi na nakuha ang plaka kung saan pumasok sa bahay si Bonjhong.
Agad pinagbabaril ni Bonjhong si Efren at habang papalabas ay narinig ang mga sigaw ni Josephine dahilan upang balikan at pagbabarilin din bago nagsitakas kasama ang mga kagrupo.
Nabatid na kalaban ng Sawako ang gang ni Efren at paghihiganti ang nakikitang anggulo dahil noong isang linggo ay may napatay na miyembro ng Sawako Gang sa nasabing lugar.
The post Mag-asawa patay sa Sawako Gang appeared first on Remate.