SUGATAN ang isang barker matapos saksakin ng kapwa barker makaraang magtalo kung sino ang magtatawag ng mga pasahero upang kumita sa Valenzuela City, Miyerkules ng hapon, Enero 29.
Ginagamot sa Valenzuela General Hospital sanhi ng saksak sa katawan si Virgilio Galino, 37, ng Elysian Subd., Marulas ng lungsod.
Nadakip naman si Loreto Martinez, 41 at kalugar ng biktima.
Sa ulat, alas-4:30 ng hapon, nagtatalo ang biktima at suspek sa MacArthur Highway, Marulas dahil nagtatalo kung sino ang magtatawag ng mga pasahero upang kumita.
Nauwi sa suntukan ang pagtatalo ng biktima at suspek hanggang sa mabunot ng huli ang dalang patalim at itarak sa katawan ng una.
Nabali pa ang patalim na naging dahilan upang dalhin sa VGH habang nadakip naman ang suspek ng mga rumorondang mga pulis.
The post Barker sugatan sa agawan ng pasahero appeared first on Remate.