DAHIL sa pag-alingasaw ng mabahong kanal na nililinisan, namatay ang dalawang katao at dalawa pa ang nasa malubhang kalagayan sa Talisay District Hospital sa Sitio Colis, Barangay Tabunok, Talisay.
Ayon sa pahayag ni Vince Monterde, ang PIO ng Talisay City na habang naglilinis ang apat sa lugar na matagal nang nirereklamo ng mga residente dahil sa labis na baho at umaapaw ang tubig kanal sa kalsada, hindi nakayanan ng manggagawa ang mabahong amoy habang inaayos sa ilalim ang nakabarang mga basura na may lalim na 15 feet.
Inihayag ni Monterde na sumisid si Romeo Kabanes, 31, sa ilalim pero umahon din ito na parang hihimatayin na pero nahulog muli nang mawalan na ng lakas.
Nakita ng pinsang si Rendon Kabanes, 27, si Kabanes kaya sinubukan din nitong iligtas pero hindi na ito umahon kaya’t sumisid na rin ang dalawa pang kasamahan na sina Lemuel Makaraya, 26 at Winston Tampo, 26, pero agad naman itong umahon dahil hindi nakayanan ang baho at humingi agad ng tulong sa mga residente sa lugar.
Agad namang rumesponde ang mga residente at tinalian ang mga biktima ng lubid sa katawan at hinila pataas at dinala agad sa ospital.
Kaugnay nito, ilang minuto lamang ay binawian ng buhay ang dalawang magpinsan habang ang dalawa ay patuloy pang ginagamot dahil sa kritikal na kalagayan.
Kinuwestiyon naman ng mayor ng naturang bayan na si Mayor Johny delos Reyes kung bakit walang compressor na nakita sa lugar na ginagamit upang makahinga sa ilalim.
The post 2 patay sa mabahong kanal sa Talisay appeared first on Remate.