NAGMISTULANG kulay talong at patay na nang matagpuan ang isang company driver matapos makuryente sa pabrikang pinapasukan nito, Martes ng hapon, Marso 18, sa Bgy. Tinajeros, Malabon City.
Dead on arrival sa Pagamutang Bayan ng Malabon si Jerry Dela Peña, 37, binata, driver, ng Sto. Niño Concepcion ng nasabing lungsod sanhi nang pagkakakuryente nito sa katawan.
Ayon sa ulat, alas-4:40 ng hapon ng aksidenteng makuryente ang biktima sa kompanya nitong pinapasukan na Shining Plastic company na matatagpuan sa #37 Platinum St., Goldengale Subd., ng nasabing barangay.
Nauna rito, inatasan ang biktima ni Danilo Pacpakin, 51, senior driver na i-switch on ang machine electrical circuit breaker ng welding machine pero hindi na nakabalik kaya agad itong sumunod sa nasabing lugar at nakitang nakasubsob ang mukha ng biktima sa semento sanhi nang pagkakakuryente.
Inaalam ng mga awtoridad kung may pananagutan ang kompanya sa nasabing insidente.
The post Company driver nakuryente, patay appeared first on Remate.