NATANGAY ang mahahalagang gamit at pera ng isang Ukrainian habang naliligo sa Sitio Diniwid, Brgy. Balabag, sa isla ng Boracay.
Ayon sa Boracay Tourist Assistance Center (BTAC), ang biktima ay kinilalang si Maksim Ohurtsov, 35, mula sa Dnipropetrovsk, Ukraine.
Sinabi ng biktima na ipinatong muna niya ang kanyang short pants sa itaas ng malaking coral upang maligo, ngunit sa kanyang pagbalik ay nadiskubre niyang ninakaw na ang kanyang kagamitan.
Kabilang sa mga ninakaw ay ang dalawang cellphone, private bank card at cash na nagkakahalaga ng P4,000.
Ayon sa mga nakasaksi, posibleng ang hindi nakikilalang babae na lumapit sa lugar ang kumuha ng kanyang mga gamit.
Nagpapatuloy ang imbestigasyon ng BTAC hinggil sa naturang insidente.
The post Ukrainian, ninakawan sa Boracay appeared first on Remate.