NADAKIP ang isang nursing student ng University of Sto. Thomas (UST) makaraang mangholdap ng taxi driver sa Quezon City ayon sa pulisya.
Nabatid na sakay ang hindi pinangalanang estudyante ng taxi ni Ronaldo Tindero nang magpahayag ito ng holdap, Lunes ng gabi.
Gamit ang 11 inches na patalim, kinuha ng suspek ang kita ng driver na umaabot sa P3, 500.
Pero nanlaban ang biktima kaya nadakip ang bata.
Sa presinto ay nagmakaawa ang bata sa driver na pinatawad din naman ng biktima.
Inamin din ng suspek na nagawa niya lang ang krimen dahil sa takot nang magastos niya ang kanyang P3,000 allowance sa e-games sa isang casino sa Maynila.
The post Natalo sa e-games, UST nursing student nangholdap appeared first on Remate.