PATAY ang chairman ng board ng homeowners association matapos pagbabarilin sa San Mateo Road sa Batasan Hills, Quezon City kaninang umaga.
Sa imbestigasyon, ang insidente ay naganap alas-6:00 ng umaga nang bigla na lamang bumulagta ang biktima na si Dix Tibi, 56, board chairman ng Dakila Homeowners Association sa Batasan Hills, matapos tamaan ng bala sa mukha.
Napag-alaman mula sa hindi na nagpakilalang opisyal ng asosasyon, na kakandidato muli sa eleksyon bukas, Linggo, bilang chairman ng homeowners ang biktima.
Ayon sa scene of the crime operatives (SOCO), dalawang tama ng kalibre .45 na baril ang ginamit sa pagpatay.
Inaalam pa kung may kaugnayan sa eleksyon ang madugong insidente.
The post Chairman ng homeowners association, timbuwang sa pamamaril appeared first on Remate.