PATAY ang dalawa katao sa naganap na salpukan ng kotse at motor sa Cebu City sa ulat ng awtoridad.
Kinilala ang mga namatay na sina Joselito Lopez at Gaudioso Bontilao, kapwa empleyado ng isang casino sa Barangay Lahug.
Nabatid na galing sa trabaho ang dalawa at sakay ng motorsiklo pauwi na nang salpukin ng kotse na minamaneho ni Gerard dela Cruz.
Sinasabing mabilis ang takbo ng kotse nang lumihis pakanan at tamaan ang motorsiklo saka dumiretso sa gate ng isang restaurant sa Salinas Drive.
Sa lakas ng pagkasagi, tumilapon mula sa motorsiklo sina Bontilao at Lopez habang dalawang pedestrian din ang nasugatan matapos tamaan ng kotse.
The post 2 patay sa vehicular accident sa Cebu City appeared first on Remate.