SINAMPAHAN na ng kaso ang 49-anyos na lalaki dahil sa panggagahasa sa apat na anyos na babae sa Santiago City.
Ang suspek na kinilala lamang sa Rustico ay positibong itinuro ng bata na gumahasa sa kanya.
Ayon sa ina ng biktima, pinapaliguan niya ang anak nang mapansing may dugo sa maselang bahagi ng katawan nito.
Sa kanyang pagtatanong ay sinabi ng bata na ipinasok ni Rustico ang ari at daliri nito sa ari ng bata.
Maliban dito, hinalikan din aniya siya sa labi ng suspek na kapitbahay ng pamilya ng biktima.
Dahil dito, agad silang nagtungo sa Santiago City Police Office (SCPO) upang maghain ng reklamo.
Agad namang nagsagawa ng operasyon ang SCPO at naaresto ang suspek.
The post Rapist ng 4-anyos timbog sa Santiago City appeared first on Remate.