LIMAS ang mga ipong pera at ilang mahahalagang gamit ng isang negosyante matapos mapasok ang bahay ng hindi pa kilalang mga suspek nang magpunta ang una sa bahay ng mga magulang sa Valenzuela City, Biyernes ng madaling araw (Pebrero 15).
Sa pahayag ng biktimang si Gil Mandal, 54, hiwalay sa asawa ng Gen. T. De Leon Road, Gen T. De Leon ng lungsod, dakong alas-5:20 ng hapon noong Huwebes ay umalis siya ng bahay at nagpunta sa bahay ng kanyang mga magulang sa Don Pedro Village, Karuhatan ng lungsod.
Pag-uwi ng bahay dakong alas-2:10 ng madaling araw ay nadatnan na magulo ang kanyang kuwarto at nang tignan ang steel cabinet ay laking panghihinayang nang wala na ang mga nakatagong P90,000, $2,300, laptop, computer set, gintong singsing at rolex na relo.
Nagsumbong sa mga pulis ang biktima kung saan inaalam na ng mga pulis kung sino ang nagnakaw kay Mandal.