UMABOT sa 23 katao ang sugatan makaraang bumaliktad ang sinasakyang behikulo sa bayan ng Bakun sa Benguet.
Sa ulat na ipinalabas ng National Disaster Risk Reduction and Management Council (NDRRMC), naganap ang aksidente bandang alas-8:00 ng umaga kahapon sa may bahagi ng Batanes-Gambang area sa bayan ng Bakun.
Nabatid na nagkaroon ng problema ang brake ng sasakyan at nawalan ng kontrol sa manebela ang driver na naging dahilan ng aksidente.
Kinilala ng NDRMMC ang mga nasugatan na sina Mary Anne Olcino, 16, Myra Paciteng, 16, Elsie Lifcofen, 15, Carol Saguibal, 9, Mario Talicuad, 44, Marina Baclilii, 26, Melody Talicuad, 12, Marissa Nadnasan, 11, Biana Waclin, 41, Shane Pakilo, 2, Rita Paciteng, 54, Dolica Nadnasan, 41, Dolly Digway, 42, Eliza Digway, one-month-old, Marlyn Paciteng, 27, Melio Paciteng, 55, Mac Kenry Banglig, 11, Bernadeth Nadnasan, 30, Hezron Nadnasan, 1, Alicia Olsino, 48, Nilda Aluyan, 29, Rayver Aluyan, bagong silang na sanggol at Veronica Calgo, 24.
Ang mga nabanggit na biktima ay nilalapatan ng lunas na pagmutan sa Benguet.
The post 23 sugatan sa pagbaliktad ng sasakyan sa Benguet appeared first on Remate.