DAHIL sa pang-uumit ng mga gamit, nabisto ang dalang baril ng isang kelot sa Caloocan City Linggo ng hapon, Marso 17.
Nakilala ang suspek na si Danilo Manlolo, 24, ng Phase 5, Bagong Silang ng lungsod.
Sa ulat, dakong alas-3:30 ng hapon, pumasok ang suspek sa Hyper Gate Center sa Almar Mall sa lungsod at nangupit ng mga gamit.
Nakita naman ng guwardiyang si Ronald Basister ang ginawa ng suspek na naging dahilan upang tumawag ng mga nagrorondang mga pulis.
Paglabas ng suspek na hindi na dumaan sa counter ay agad na sinita at nang tignan ang dalang bag ay nakita ang dalawang tape measure, dalawang gas regulator, 4 na convenient socket at apat na open wrench na walang resibo at nang kapkapan ay nakuhanan ng .9mm na baril na naging dahilan upang dalhin sa presinto.