TIMBOG ang tatlong lalaki sa Ipil-Ipil St., Brgy. Payatas-B, Quezon City matapos na maghain ng search warrant ang pinagsanib na pwersa ng DDEU QCPD, SRU, PDEA RO-NCR at SDEU PS 6.
Ang target ng operation ay si John Zafra alyas Abraw na hindi na nakapalag pa matapos na pumasok ang mga pulis sa kanyang bahay, dito naaresto pa ang dalawang lalaki.
Nakuha ng mga pulis ang 35 plastic sachets ng shabu sa loob ng bahay ng mga suspek na may bigat na 15 gramo at street value na P75,000.00.
Nakumpiska sa raid ang iba’t ibang drug paraphernalia; isan g barrel ng cal. .45 at mga bala ng baril.
Nahaharap sa paglabag sa RA 10591 at Sec. 11 & 12 ng RA 9165, ang mga suspek. JOHNNY ARASGA