AGAD na namatay ang isang campaign manager ng tumatakbong kongresista nang pagbabarilin ng riding-in-tandem sa Brgy. Puting Buhanginan sa San Juan, Batangas bandang ala-1:00 ngayong hapon.
Papauwi na ang biktima na si Melvin Manimtim, dating chairman ng Brgy. Puting Buhanginan, galing sa campaign sortie sa Rosario, Batangas, sakay ng motorsiklo nang tambangan ng riding in tandem na hindi pa batid ang pagkakilanlan.
Tama ng bala sa ulo at katawan ang kumitil sa buhay ni Manimtim.
Si Manimtim ang campaign manager ni 4th District Congressional bet Bernadez Cabili.
Kasalukuyang iniimbestigahan ng Batangas PNP ang nasabing pamamaslang na pinaniniwalaang pulitika ang motibo.