KRITIKAL ang lagay ng isang kelot matapos itong tamaan ng ligaw na bala habang nakikipaglamay ng patay na naging biktima ng karahasan kagabi sa Sitio Sto. Niño Northbay Boulevard South, Navotas City.
Nakaratay at ginagamot sa Tondo Medical Center si Sheryll Tuprio y Ucaso, 30, may asawa, ng R-10 NBBS ng lungsod sanhi ng tinamong tama ng .9mm cal.pistol sa kanang bahagi ng balikat.
Ayon sa isinagawang imbestigasyon ni P02 Tristan Delara, Station Investigation Division (SID) ng Navotas pulis, dakong alas 9:45 ng gabi ng maganap ang insidente sa nasabing lugar.
Nabatid nakikipaglamay ang biktima sa kanyang kaibigan na si Jonathan Garganta y Solidad na binaril at napatay ng hindi pa nakikilalang salarin noong April 28 ng bigla na lamang duguang tumumba matapos itong tamaan ng ligaw na bala.
Inaalam ng mga awtoridad kung ang pagkakabaril sa biktima ay galing sa hindi pa nakikilalang suspek ay may kaugnayan sa pagkakapaslang naman sa pinaglalamayan nitong kaibigan na si Jonathan.