PINAKILOS na ni DOJ secretary Leila de Lima si NBI Dir Nonatus Rojas na imbestigahan ang insidente ng kaguluhan sa bahay nina Sen Bong Revilla noong May 13 elections.
Kasabay nito, sinabi ni de Lima na ipinatawag na rin nya ang Hepe ng NBI-Cavite at Lawyer-agent na nangun a at nasangkot sa nasabing insidente.
Ayon sa kalihim, batay sa kwento at supporting documentary proofs, lumilitaw na lehitimo ang naging operasyon ng NBI team.
Gayunman, aminado ang kalihim na nabahiran ang legitimacy ng operasyon matapos may masangkot rin na confidential agents umano.
Sa ngayon kasi, hindi na kumikilala ang DOJ ng confidential agent ng NBI.
Matatandaang una ng sinabi ng Revilla, na sila ay humingi ng tulong sa NBI dahil sa panghaharass sa kanila ng mga pulis.