NASAMSAM ng pinagsanib na puwersa ng PNP Criminal Investigation and Detection Group at ng Optical Media Board (OMB) sa Quaipo,Maynila ang tinatayang P6M halaga ng pirated DVD’s kaninang madaling araw.
Nabatid na isinagawa ang operasyon matapos na makatanggap ng impormasyon ang OMB at PNP kaugnay sa isang van na naglalaman ng maraming movie dvd’s na nakaparada sa kahabaan ng Echague St sa nasabing lugar.
Nang inspeksyunin ang sasakyan ay nakuha ang 60 box ng disc ng mga blockbuster na pelikula na nagkakahalaga naman ng P6 milyon.
Gayunman, nabigo naman ang PNP at OMB na maaresto ang mga nasa likod ng mga piniratang DVD’s.
Dinala ang mga pirated DVD’s sa tanggapan ng OMB.