PINAGBABARIL hangang sa mapatay ang isang hindi nakikilalang lalaki na hinihinalang may kaugnayan sa droga sa Quezon City kagabi Mayo 25, 2013 (Biyernes).
Inilarawan ang biktima na tinatayang 40 hanggang 45 anyos, 5’5 ang taas, maitim ang kulay.
Ayon sa ulat ng Quezon City Police District Criminal Investigation Unit (QCPD-CIDU) naganap ang insidente dakong 11:30 ng kagabi sa Libyan cor. Lanao Street, Salam Compound, Culiat, QC.
Sinabi ni SPO1 Joel Gagasa may narinig umano ng tatlong sunod sunod na putok ng baril ang witness na si Sorayda sa loob ng kanilang bahay sa lugar.
Nang silipin ng witness sa bintana ng kanilang bahay ang pinanggalingan ng putok nakita nito ang nakabulagtang biktima na naliligo sa kanyang sariling dugo makaraang barilin ng hindi nakikilalang suspek.
Hinihinala ng mga awtoridad na maaring may kinalaman sa droga ang naturang krimen.