TINATAYANG 100 pamilya ang nawalan ng tahanan makaraang magkasunog sa Mandaluyong City kagabi.
Ayon kay Bureau of Fire Protection-National Capital Region officer, 30 mga bahay ang naapektuhan ng sunog sa Abelas Compound, Barangay Mabini J. Rizal, Mandaluyong City bandang alas-9:10 ng gabi.
Itinaas ang sunog sa ikatlong alarma bago ito naapula bandang alas-10:19 ng gabi.
Umabot sa P500,000 halaga ng ari-arian ang nasira ng naturang sunog.
Ayon sa ulat ni Mandaluyong City Fire Marshall Nahum Tarosa, nagsimula ang sunog sa bahay ng isang Corazon Ladrera makaraang mapabayaan ang nakasinding kandila.
Wala namang naiulat na nasugatan.