NATAGPUAN ang isang bangkay na nakasilid sa sako sa kahabaan ng Rodriguez St., malapit sa Apello Cruz, Brgy. 162, Pasay City kaninang umaga.
Bandang alas-8:00 ng umaga nang mapansin ng mga tauhan ng isang hardware store ang malaking sako malapit sa pila ng kanilang nakasakong graba kung kaya inutusan ni Larry De Castro, may-ari ng hardware, ang mga trabahador na ilayo ang sako sa pag-aakalang basura lamang ang laman nito.
Ngunit nang lapitan nila ay nakita nila ang bangkay na nakasilid sa sako.
Inilarawan lamang ang bangkay na may hikaw sa kanang tenga at may pagkakulot ang buhok, may bahid din ng dugo ang puting t-shirt.