ARESTADO ang tatlong lalaki matapos kuyugin at pagsasaksakin ng mga ito ang isang mister kaninang madaling araw sa loob ng vedioke bar sa Bangus St., Northbay Boulevard South, Navotas City.
Kinilala ang mga suspek na sina sina Eladio Casalay 59, Esteban Calay 49, at ang nakababatang kapatid na si Raul, kapwa mga residente ng Blk 35 Phase 1, Dagat-Dagatan ng nasabing barangay.
Kritikal at inoobserbahan naman sa Tondo Medical Center si Virgilio Jurilla y Macaya, 59, may asawa. Ng Blk 29, NBBS sanhi ng mga tama ng saksak at bugbog sa iba’t ibang parte ng katawan.
Base sa imbestigasyon ni P03 Edwin S. Guzman ng Station Investigation Division (SID) ng Navotas pulis, dakong ala 1:30 kaninang madaling araw ng naganap ang insidente sa Giordian Videoke bar NBBS.
Nabatid nakikipag-inuman ang biktima sa kanyang kaibigan ng biglang dumating ang mga suspek at agad kinupronta ni Eladio si Virgilio na humantong sa mainitang pagtatalo.
Sa gitna ng sagutan, agad binasag ng suspek ang isang bote at pinagsasaksak ang biktima sa ibat ibang parte ng katawan. Hindi pa nakuntento, kinuyog pa ito ng suntok na nakababatang kapatid.
Ilang concern citizen ang tumawag sa pulis at agarang inabutan ang mga suspek sa lugar kaya agad itong binitbit para dalhin sa presinto.