NALITSON ng buhay ang isang mag-asawa nang lamunin ng apoy ang may 20 kabahayan sa Cebu City kaninang madaling araw (Hunyo 13).
Bukod sa mag-asawang sina Margarita at Edgardo Niego, wala nang iba pang namatay o nasaktan sa sunog na nagsimula dakong 1 a.m. at inilagay sa under control dakong 2:25 a.m.
Karamihan sa mga nasunog na kabahayan na gawa lamang sa mixed materials ay nasa A. Lopez St., sa Barangay Labangon.
Inaalam naman ng arson investigators ang impormasyon na isang nag-overheat na electric fan ang naging sanhi ng sunog.
Hindi pa rin malaman kung magkano ang naabong mga ari-arian na sanhi ng sunog. (Robert C Ticzon)
The post Mag-asawa nalitson ng buhay sa Cebu fire appeared first on Remate.