TODAS ang isang mister nang pagbabarilin ng tatlong hindi pa nakikilalang mga salarin Lunes ng gabi, June 24, sa Phase 2 Paradize Village Tonsuya, Malabon City.
Dead on arrival sa Tondo Medical Center si Fernando Abaigar y Patiga, 30, construction worker, ng Flovi homes 7 Pahse 6 Letre Tonsuya ng lungsod sanhi ng maraming tama ng bala ng kalibre .45 sa iba’t ibang parte ng katawan.
Mabilis namang tumakas ang tatlong hindi pa nakikilalang salarin na isa ay nakilala lamang sa alyas na “Ipot” ng Paradize Village ng nasabing barangay.
Sa isinagawang imbestigasyon ni Sp01 Jerry Dela Torre, ng Station Investigation Division (SID) ng Malabon pulis, dakong alas 6:15 ng gabi ng maganap ang pamamaril malapit sa bahay ng nasawi.
Nauna rito, naglalakad ang biktima pauwi sa kanilang bahay ng biglang harangin ng armadong kalalakihan na pinangunahan ni ‘Ipot’ at walang gatol na pinaputukan sa katawan na agarang ikinasawi ni Abaigar.
Nakarekober sa pinangyrihan ng anim na empty shell ng kalibre .45 at 3 deformed na bala ang mga tauhan ng Crime of Scene Operatives (SOCO).
Patuloy na nagsasagawa ng masusing imbestigasyon ang mga awtoridad at inaalam ang tunay na motibo sa nasabing insidente.
The post Mister niratrat, tigbak appeared first on Remate.