BILANG ganti, dinukot ng dalawang kalalakihan na biktima ng multi million scam ang isang babaeng tauhan ng kontrobersyal na lider ng scam na si Jachob “Coco” Rasuman sa Baloi, Lanao del Norte noong nakalipas na Linggo, ayon sa ulat ng Philippine National Police (PNP).
Sa kanilang ipinost na nes site, sinabi ng PNP na ang biktimang si agent Jamalica Ali Bacarat ay dinukot sa Barangay West Poblacion.
Papunta si Bacarat sa Barangay Angayin at ang kanyang mister na si Mohammad Ali nang paputukan ng dalawang armadong kalalakihan ang kanilang kotse kaya napuwersahang huminto ito,” pahayag ng PNP.
Sa nakalap na impormasyon ng PNP na ang mga suspect ay pinangungunahan ng isang nagngangalang Madid at Aisa Mangacop, na sinasabing mga biktima ng investment scam ni Rasuman.
Sinabi ng pulisya na malaki ang posibilidad na ang pagdukot ay may kaugnayan sa nasabing scam, dahil si Bacarat mismo ang nagkumbinsi sa mag-asawang Mangacop na mag-invest ng P200,000 noong 2012.
Nakatakas naman sa kamay ng mga kidnapper ang mister ni Bacarat na siyang nag-report sa pulisya ng insidente.
Tinatrabaho na ng awtoridad para mahanap ang biktima at ang mag-asawang kidnappers.
The post Ahente ni Rasuman, dinukot ng scam victims appeared first on Remate.