UPDATE: Hinahanting na ngayon (Hunyo 25) ng pulisya ang mag-asawang dumukot sa isang babaeng tauhan ni scam lider na si Jachob “Coco” Rasuman sa Baloi, Lanao del Norte.
Ang mag-asawang suspek na sina Madid at Aisa Mangacop na sinasabing biktima ng investment scam ni Rasuman ang positibong kinilala ng mga testigo na siyang dumukot sa biktimang si agent Jamalica Ali Bacarat sa may Barangay West Poblacion noong nakalipas na Linggo ng hapon bilang ganti sa panloloko sa kanila.
Nagpakalat na ng dalawang police tracker teams ang PNP upang mahuli sa lalong madaling panahon at mapanagot sa batas ang mag-asawang Mangacop.
Nanawagan din ang PNP sa mag-asawang Mangacop na huwag ilagay sa kanilang kamay ang batas para lamang gantihan ang nanloko sa kanila at pinaalalahan din na kapag sinaktan si Bacarat ay mananagot sila sa batas.
Dinukot si Bacarat habang ito ay lulan sa kanilang kotse at papuntang Barangay Angayin pero sinuwerteng nakatakas sa mga kidnapper ang mister nitong si Mohammad Ali.
Kinumpirma naman ng pulisya na ang pagdukot ay may kaugnayan sa nasabing scam, dahil si Bacarat mismo ang nagkumbinsi sa mag-asawang Mangacop na mag- invest ng P200,000 noong 2012.
The post Mag-asawang dumukot sa tauhan ni Rasuman, tinutugis appeared first on Remate.