NAGMISTULANG kinarning baboy ang sinapit ng isang driver nang tadtarin ng saksak ng isang construction boy sa harap ng inuman Lunes ng hapon July 1, sa Flovi Homes Tonsuya, Malabon City.
Dead on arrival sa Pagamutan Bayan ng Malabon si Hipolito Lampitao y Torres, 37, driver, may asawa, ng Phse 3 Flovi subd. Brgy. Tonsuya ng lungsod sanhi ng maraming saksak sa iba’t- ibang parte ng katawan.
Pinaghahanap ng mga awtoridad ang salarin na si Raymund Heraldo y Balote, 37, construction worker, ng naturang barangay.
Ayon kay Insp. Marissa Santos, hepe ng CIB ng Malabon pulis, dakong alas 5:30 ng hapon ng maganap ang insidente sa Flovi homes.
Nauna rito, nagkaroon ng inuman ang dalawa kasama ang ilang kaibigan. Nang malasing at sa hindi malamang dahilan, nagkaroon ng mainitang pagtatalo na ikinapikon ni Raymund.
Umuwi ng bahay ang suspek at pagbalik ay may dalang patalim at dito na pinagsasaksak na tila nagmistulang kinatay na baboy ang biktima.
Mabilis na tumakas ang suspek bitbit ang ginamit na patalim habang ang biktima ay dinala sa nasabing ospital.
Patuloy na nagsasagawa ng masusing imbestigasyon ang mga awtoridadad. Isang manhunt operation ang inilatag ng pulisya laban kay Raymund.
The post Driver inatado ng construction boy, patay appeared first on Remate.