PATAY ang 23-anyos na lalaki nang barilin ng ilang beses ng hindi nakilalang mga suspek kaninang umaga sa Butuan City.
Bandang alas-7:00 ng umaga nang pagbabarilin si Ryan Galapin, may-asawa, roomboy ng isang hotel, ng P-1, Brgy. Bancasi, naturang lungsod.
Nagtamo ng tatlong tama ng bala sa kanyang kaliwang dibdib si Galapin na naging dahilan ng agaran niyang pagkamatay.
Nakarekober naman ng sulat ang mga pulis malapit sa bangkay ni Galapin na nakasaad ang pagkondena sa biktima dahil sa pagbebenta ng bawal na gamot at pagtuturo sa mga batang gumamit nito.
Mayroon ding nakasulat na “NPA” sa papel pero inaalam pa ng mga awtoridad kung mayroon ngang kinalaman ang naturang grupo sa krimen o ginagamit lamang ito.
The post Roomboy niratrat sa Butuan City, todas appeared first on Remate.