MULING nakapatay si alyas demonyo nang harangin at barilin sa ulo ang isang binata sa Caloocan City Huwebes ng madaling araw, Hulyo 4.
Dead on arrival sa Tondo General Hospital sanhi ng tama ng bala sa ulo si Albert Lopez, 19 ng 3rd Avenue ng lungsod.
Pinaghahanap naman ang suspek na si Jericho Agustin, nasa hustong gulang alyas Jr. Demonyo ng BMBA cmpd., ng lungsod.
Sa ulat, dakong alas-2:40 ng madaling araw, naglalakad ang biktima sa Josefina st., nang harangin ng suspek bago pinutukan sa ulo.
Dinala ang biktima sa TGH habang tumakas naman ang suspek na ilang beses nang nasangkot sa pamamaril sa nasabing lugar.
Inaalam na ng mga pulis ang motibo ng suspek.
The post Binata patay sa ‘demonyo’ appeared first on Remate.