HINDI na umabot pa sa Bacnotan District Hospital ang 34-anyos na engineer makaraang malunod sa Tangadan falls sa bulubunduking bahagi ng Barangay Amontok, San Gabriel, La Union.
Nabatid na nagtungo ang grupo ng biktimang si Engr. Adolfo Obra, ng Barangay Biday, San Fernando City, sa nasabing lugar upang maligo at mamasyal.
Dahil sa malakas ang agos ng tubig sa talon nang lumangoy ang biktima kaya ito nalunod.
Agad namang isinugod sa naturang pagamutan ang biktima ngunit hindi na umabot nang buhay.
The post Engineer nalunod sa falls La Union appeared first on Remate.