ABOT sa 10 ang nasugatan nang sumalpok ang isang pampasaherong bus sa poste ng Edsa-Aurora tunnel sa Cubao, QC kaninang umaga Hulyo 17, 2013.
Ayon kay PO2 Henry Luna ng Quezon City District Traffic Enforcement Unit Traffic Sector 4 Kamuning, wala naman malubhang nasugatan sa mga pasahero na sakay ng bus na mabilis na isinugod sa East Avenue Medical Center.
Sa ulat, naganap ang insidente sa Edsa-Aurora tunnel sa Cubao, QC dakong 9:00 ng umaga kanina.
Lumalabas sa imbestigasyon ng pulisya na tinatahak ng CEM transport bus (TYK-498) ang southbound lane ng Edsa nang bigla itong magpreno at dahil sa madulas ang daan bunsod ng pag-ulan nag-slide ang gulong nito sa likuran dahilan upang banggain nito ang isang Mitsubishi Lancer bago sumalpok sa poste.
Nasugatan ang sampung pasahero na sakay ng naturang bus na hindi pa nakikilala at isinugod sa naturang ospital.
Patung-patong naman na kaso ang kinakaharap ng driver ng bus na si Edwin Carcellar bunga ng naturang aksidente.
The post Bus sumalpok sa poste, 10 sugatan appeared first on Remate.