DAHIL sa hindi na makayanang karamdaman, isang magsasaka ang nagbigti sa puno ng kawayan sa Ilocos Norte kaninang umaga (Hulyo 21).
Sinabi ni Chief Inspector Don Acacio, hepe ng pulisya ng Piddig, Ilokos Norte, na may tatlong oras din bago natagpuan ang nakabiting bangkay ng biktimang si Severino Barangay, 54-anyos at residente ng Barangay Darasdas, Solsona, Ilocos Norte.
Natagpuan aniya ang bangkay ng biktima dakong 7 ng umaga sa liblib na lugar sa may Barangay San Antonio sa boundary ng bayan ng Piddig at Solsona.
Bago ito, dakong 4 ng madaling araw nang magpalaam ang biktima sa kanyang asawa pero hindi nito nabanggit ang kanyang pupuntahan.
Dahil magaagahan na, hinanap ang biktima ng misis nito hanggang sa umabot ang ginang sa nasabing lugar at makitang nakabitin ang katawan ng kanyang mister sa puno ng mga kawayan.
Isang mahabang lubid ang ipinalupot ng biktima sa kanyang leeg bago itinali ang dulo nito sa sanga ng kawayan.
Ayon pa sa ginang na madalas sabihin ng kanyang mister na gusto na niyang mamatay lala pa’t umaatake ang kanyang nerbiyos.
The post Magsasakang may nerbiyos, nagbigti sa kawayan appeared first on Remate.