MARIING inilantad ng nasibak na hepe ng CIDG-AOCD na marami umanong padrino sa gobyerno ang nakatakas na Chinese drug lords na si Li Tian Hua na anak ng isang Chinese general na kasamang na-rescue ng mag-asawang Chinese na sina Wang Li Na at Jackson Dy noong buwan ng Pebrero sa Cavite ng Ozamis group sa pamumuno ni Bokbok.
Ayon kay S/Supt. Jose Mario Espino, batay sa kanilang isinagawang imbestigasyon, ang dahilan kung bakit hindi nako-convict si Li Tian Hua ay dahil maraming taga-gobyerno ang nagsisilbing protektor nito.
Sinabi ni Espino na si Jackson Dy ang manager ng illegal drug operation at ang misis naman nito na si Wang Li Na ay isang chemist habang ang at-large ngayon si Li Tian Hua ang siyang presidente at financier ng grupo.
Ibinulgar din ng opisyal na mayroon nang kumakalat na drug money sa iba’t ibang ahensiya ng gobyerno upang matiyak na maprotektahan lamang si Li Tian Hua.
Nabatid na ang mag-asawang Chinese lamang ang convicted sa kaso habang acquitted si Li Tian Hua.
The post Padrino sa gobyerno ng Chinese drug lord, inilantad appeared first on Remate.