NABAWASAN na naman ang masasamang elemento sa lipunan nang mapatay ng mga pulis ang dalawang kalalakihan na nanghodap sa isang pampasaherong jeep sa Quezon City nitong Lunes ng gabi (Hulyo 29).
Kapwa dead on the spot sanhi ng tinamong tama ng bala sa iba’t ibang parte ng katawan ang dalawang hindi nakikilalang holdaper na inilarawang 30-35 anyos, nakasuot ng maong pants, t-shirt at tsinelas.
Sa ulat ng Quezon City Police District-Criminal Investigation and Detection Unit (QCPD-CIDU), naganap ang insidente dakong 10:45 nitong Lunes ng gabi sa Cordillera Street sa Galas district.
Bago ito, hinoldap ng tatlong suspect ang isang bumabiyaheng pampasaherong jeep na tumatakbo sa Cordillera St., pero isa sa mga pasahero nito ang nakatalon at nakahingi ng tulong sa mga tauhan ng Quezon City Police District Station 11.
Naabutan ng pulisya ang mga suspect sa BMA Street na humantong sa putukan at mapatay ang dalawa sa kanila habang ang isa naman ay nakatakas.
Nabawi naman ng pulisya ang mga nakulimbat na mga cellphone at alahas sa mga napatay na holdaper.
The post 2 holdaper tigbak sa QC shotout appeared first on Remate.