NASAKOTE ng awtoridad ang anim katao kabilang ang isang menor de edad matapos maaktuhan sa pagbebenta ng iligal na droga sa isinagawang drug buy-bust operation sa Lucena City.
Kinilala ang mga suspek na sina Alan Clark Samonte, 34; Limuel Mellomida, 29; John Erick Mirasol, 21; Jessica Melu, 20, na mga residente ng Purok Agawin, Barangay Ibabang Dupay; Laline Hufancia, 20, ng DM Compound, Caloocan, Manila at ang 17-anyos na hindi na pinangalanan.
Napag-alaman na naaktuhan ang mga ito na nagbebenta ng droga at narekober sa mga ito ang ilang shabu at drug paraphernalia.
Ang limang mga suspek maging ang mga nakumpiskang iligal na droga ay dinala sa Quezon Police Crime Laboratory para sa karampatang laboratory at urine examination bago tuluyang ikulong sa Lucena PNP.
Samantala, ang binatilyo ay nasa kustodiya na ng DSWD Lucena City at inihahanda na rin ang kasong kahaharapin ng mga nabanggit na suspek.
The post 6 nasakote sa buy-bust operation appeared first on Remate.